LOOK: Sasakyan, naibangga ng driver dahil sa “Bird Box” challenge
Bumangga ang isang sasakyan sa isa pang sasakyan sa Utah matapos gawin ng isang teenger ang “Bird Box” challenge at takpan nito ang kanyang mga mata habang nagmamaneho.
Ayon kay Layton police Lt. Travis Lyman, bumangga ang sasakyan ng isang 17 anyos na babae sa isang sasakyan dahil tinakpan niya ng sombrero ang kanyang mga mata bilang paggaya sa “Bird Box,” pelikula ni Hollywood actress Sandra Bullock sa Netflix kung saan dapat may takip ang mga mata para maiwasan ang vision na nag-eengganyo sa tao na magpakamatay.
Sa mga larawan na ibinahagi ng Layton Police, makikita ang ilang sasakyan na nasira matapos bumangga bunsod ng naturang challenge.
Viral din sa Internet ang mga video ng mga taong nakatakip ang mga mata habang sila ay may ginagawa. Ang iba ay ginaya pa ang ilang eksena sa naturang pelikula.
Pero nagbabala na ang Netflix na huwag gayahin ang napanood sa “Bird Box.”
Ayon sa pulisya, wala namang nasaktan sa aksidente sa Salt Lake City.
Pero nais ni Lyman na magsilbing babala na huwag magmaneho nang naka-blindfold para hindi madisgrasya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.