Ayon kay Chief Supt. Debold Sinas, director ng PRO-7, tinanggal sa pwesto ang 21 pulis ng Daanbantayan kabilang ang chief of police na si Senior Insp. Adrian Nalua.
Sinabi ni Sinas na ang pagtanggal sa mga miyembro ng Daanbantayan Police ay dahil sa kanilang low performance.
Sa loob ng 1 taon, nasa 11 operasyon lamang anya ang naisagawa ng naturang police station.
Bagamat hindi lang anya ang Daanbantayan Police ang mayroong kaunting operasyon, inasahan ng PRO-7 na mas marami pa ang nagawa ng istasyon.
Nasa 28 na pulis mula sa Regional Mobile Force Battalion ang pumalit sa mga tinanggal na pulis habang si Nalua ay pinalitan ni Chief Insp. William Jonoc.