2 terorista naaresto sa Maynila

By Rhommel Balasbas January 12, 2019 - 12:33 AM SHARE(S):
NCRPO Photo

Dalawang hinihinalang terorista ang nadakip ng pulisya noong Kapaskuhan ayon sa National Capital Region Police Office (NCRPO).

Sa impormasyon na inilabas ng NCRPO, isang suspek na nakilalang si Sudais Asmad alyas ‘Abu Nas’ ang inaresto sa Binondo noong December 20.

Si Asmad ay ang ‘most wanted’ member ng Abu Sayyaf group at konektado sa pagkidnap sa 15 empleyado ng Golden Harvest Plantation sa Lantawan, Basilan taong 2011.

Samantala, ilang araw makalipas ang Pasko, naaresto naman si Jeran Aba alyas ‘Abu Sinan’ sa Quiapo na nakatakda sanang mambomba.

Si Aba ay umaming miyembro ng Maute Terror group at sumama sa giyera sa Marawi noong 2017.

Dati rin anya siyang miyembro ng Moro Islamic Liberation Front (MILF).

Nakuhaan ito ng baril at granada nang madakip.

Ang dalawa ay kasalukuyang nasa kustodiya ng NCRPO sa Camp Bagong Diwa.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.