Mahigit 100 gas stations ng Shell napatupad na excise tax

Nasa isangdaan at pitong gasolinahan na ng Shell ang nagpatupad ng dagdag na excise tax sa kanilang produktong petrolyo.

Nangangahulugan ito ng dagdag na P2.24 sa presyo ng kada litro ng kanilang diesel o gasolina.

Ayon sa pamunuan ng Shell, sa nasabing bilang, 72 gasolinahan ang nasa Mindanao, 27 sa Luzon at 9 sa Visayas.

Wala pa namang gasolinahan sa Metro Manila ang Shell na nagpapatupad ng excise tax.

Ibig sabihin ang mga gasolinahan nila sa Metro Manila ay mayroon pang mga lumang stocks ng produktong petrolyo.

Sa susunod na linggo maliban sa excise tax ay mayroon ding nakaambang dagdag sa presyo ng produktong petrolyo nang dahil sa pagtaas ng presyo sa world market.