Ito ay kaugnay sa naging viral social media na larawan ng panty na may nakatatak na pangalan ng isang kandidato.
Sinabi ni Comelec Comm. Rowena Guanzon na nakakabahala ang kakaibang campaign giveaway at aniya dapat ipagbawal ang mga maituturing na mahalay o malaswa.
Una nang sinabi ni Dir. James Jimenez, ang tagapagsalita ng Comelec, tali ang kanilang mga kamay sa usapin ng premature campaigning.
Aniya nakasaad sa RA 9369 na maituturing lang na opisyal na kandidato ang naghain ng certificate of candidacy sa simula ng campaign period.
Sa mga national candidates maari na silang opisyal na mangampaniya sa Pebrero 19, samantalang sa Marso 29 naman ang mga lokal na kandidato.