Publiko pinag-iingat ng FDA sa pagbili ng isang brand ng digital thermometer
Pinag-iingat ng Food and Drug Administration (FDA) ang publiko sa pagbili ng hindi rehistradong brand ng digital thermometer.
Sa abiso ng FDA, ang Baby One Digital Thermometer ay natuklasang hindi dumaan sa registration process ng ahensya.
Dahil dito, hindi rin ito naisyuhan ng authorization para mailabas sa merkado.
At dahil hindi rehistrado sinabi ng FDA na ang pag-import, paggawa, pagbebenta at pag-distribute nito ay ipinagbabawal.
Hindi rin umano magagarantiya ng FDA ang kaligtasan at kalidad ng naturang produkto dahil hindi ito dumaan sa kanilang pagsusuri.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.