Paglagda ni Pangulong Duterte sa HIV-AIDS law, ikinatuwa ng DOH

By Dona Dominguez-Cargullo January 10, 2019 - 09:06 AM SHARE(S):

Welcome sa Department of Health (DOH) ang paglagda ni Pangulong Rodrigo Duterte HIV-AIDS Act bilang isang ganap na batas.

Sa ilalim ng batas, ang gobyerno ay dapat magbuo ng mga programa at polisiya upang magkaroon ng multi-sectoral approach para maiwasan ang paglaganap ng HIV.

Sa panayam ng Radyo Inquirer, sinabi ni Health Sec. Francisco Duque III na taun-taon, nakapagtatala ng 30 bagong kaso ng HIV-AIDS kada-araw sa bansa.

Pero sa kabila nito, ang Pilipinas pa rin naman ang may pinakamababang bilang ng kaso ng HIV-AIDS sa buong Southeast Asia.

Sinabi ni Duque na hindi maaring balewalain ang HIV-AIDS sa Pilipinas dahil mayroon tayong highest rate ng pagtaas ng bilang ng kaso nitong nagdaang mga taon.

Napapanahon aniya ang pagsasabatas ng HIV-AIDS law upang matugunan ang problema sa sakit.

Sa ilalim ng batas, sinabi ni Duque na wala pa rin namang mandatory testing para sa HIV-AIDS dahil tinutulan ito ng mga mambabatas.

TAGS: department of health, Health, HIV-AIDS, Radyo Inquirer, department of health, Health, HIV-AIDS, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.