Miyembro ng Abu Sayyaf, sumuko sa Sulu

Sumuko ang isang miyembro ng Abu Sayyaf Group halos isang buwan matapos na sumuko din sa mga otoridad ang dalaw aniyang anak.

Kinilala ang bandido na si Abdulbaki Boyohan, 53 anyos na sumuko kay Lt. Col.. Ronaldo Mateo, commanding officer ng 32nd Infantry Battalion sa Camp Bud Datu, Indanan, Sulu.

Si Boyohan ay tagasunod ni Idang Susukan, at ama nina Ban Baki Rajili at Padi Kali na kapwa sumuko sa mga otortidad noong bago mag-Pasko.

Nakuha kay Boyohan ang M79 Grenade launcher at mga bala.

Umaasa naman si Lt. Gen. Arnel Dela Vega, commander ng Western Mindanao Command na sa pagsuko ng mag-aama ay mas marami pang bandido ang magbabalik loob sa pamahalaan.