Paalala ito ni Albayalde matapos utusan ni Pangulong Rodrigo Duterte ang mga pulis at sundalo na iwasang uminom sa mga bar dahil nasasangkot sa gulo ang lasing na otoridad.
Ayon sa PNP chief, mayroon ng ilang direktiba ukol dito at paulit ulit na sinasabihan ang mga pulis na bawal uminom sa mga bar.
Bilang paalala ay muling naglabas ang PNP direktiba na bawal mag-inom sa labas at bawal din ang magsugal ang kanilang mga miyembro.
Ang mahuhuli anyang pulis ay sasampahan ng kasong administratibo at mahaharap sa suspensyon.
Sa kanyang talumpati sa Pasay City noong Martes ay sinabihan ng Pangulo na ibabawal niya ang pagpasok ng mga pulis sa bar gaya ng ginawa niya sa Davao City noong siya ang Mayor.