Halos 600 deboto naasistihan ng Red Cross sa nagpapatuloy na Traslacion

Umabot na sa halos 600 na mga deboto ang naasistihan ng Philippine Red Cross sa kasagsagan ng traslacion.

Ayon kay Red Cross Chairman, Senator Richard Gordon, as of alas 10:00 ng umaga kanina, 578 na ang naasisitihan sa mga istasyon ng Red Cross.

435 sa nasabing bilang ay nagpacheck ng blood pressure.

Nasa 132 naman ang nagtamo ng sugat, nahirapang huminga, nagalusan, nagkapasa, o ‘di kaya ay nawalan ng malay.

Habang mayroong 8 itinuturing na major cases, tatlo sa kanila ang isinugod sa ospital.

Mayroon ding isang pasyenteng nangailangan ng pyschosocial support.