Oras-oras na misa sa Quiapo Church, nagsimula na

Unti-unti nang kumakapal ang bilang ng mga mananampalataya sa Quiapo Church.

Ito ay dahil nagsimula na ang oras-oras na misa para sa Pista ng Itim na Poong Hesus Nazareno.

Sa pinakahuling tala ng Manila Police District, nasa 8,500 na ang deboto sa Quiapo Church.

Ang unang misa ngayong araw ay pinangunahan mismo ni Manila Auxiliary Bishop Broderick Pabillo.

Sentro ng homilya ng obispo ang kaligtasang dulot ni Hesukristo sa sanlibutan.

Magpapatuloy ang oras-oras na misang ito hanggang sa makabalik ang Itim na Nazareno sa simbahan.

Inaasahang milyong katao ang dadalo sa mga misa sa buong araw.

Sa pagtaya ng Church Authorities, makababalik ang imahen alas-2:30 ng madaling-araw ng Huwebes.