Crowd estimate sa Quirino Grandstand, umabot na sa halos 15,000

Umabot na sa halos 15,000 ang bilang ng mga deboto na nasa Quirino Grandstand para sa “Pahalik”.

Madaling araw pa lamang mahaba na ang pila ng mga deboto, pero alas 11:00 ng umaga kanina, sinabi ng Manila Police District na 14,750 na ang crowd estimate sa Quirino Grandstand.

Dahil sa sobrang haba ng pila, tatlong ikot sa pila ang mga deboto bago makarating sa lugar kung saan naroroon ang Itim na Nazareno.

Sa kabila naman ng matinding sikat ng araw, hindi ito alintana ng mga deboto at matiyagang pumipila.

Mayroon ding espesyal na linya para sa mga nakatatanda at PWDs, pero sa dami ng deboto maging ito ay mahaba rin ang pila.