Oil tanker bumangga sa 22-wheeler truck sa QC, isa ang sugatan

Sugatan ang driver ng isang oil tanker matapos bumangga ang minamaneho nitong sasakyan sa isa pang 22-wheeler truck.

Nangyari ang aksidente sa bahagi ng Sto. Domingo Avenue sa kanto ng Maria Clara Street sa Quezon City.

Ayon sa mga tauhan ng Quezon City traffic sector, bumangga muna ang oil tanker sa 22-wheeler truck bago bumangga sa isang poste ng kuryente.

May dalang gasolina ang tanker na dadalhin sana sa Marikina City.

Nayupi ang unahang bahagi ng tanker dahil sa lakas ng pagkakabangga habang agad namang nalapatan ng lunas ang nasugatang driver nito.