Sa kabila ng import ban dahil sa African Swine Fever, 1 milyong kilo ng karne galing Belgium nakapasok sa bansa
Umabot sa mahigit 1 milyong kilo ng karneng baboy na galing Belgium ang nakapasok sa bansa sa kabila ng umiiral na import ban dahil ang Belgium ay apektado ng African Swine Fever.
Ayon sa agricultural group na Samahang Industriya ng Agrikultura o SINAG, naganap ang pagpasok ng nasabing mga karne galing Belgium sa pagitan ng Oktubre at Nobyembre 2018.
Sinabi ni SINAG President Rosendo So, natuklasan nila ang pagpasok ng nasabing mga karne ng baboy base sa dokumentong nakuha nila mula sa Bureau of Customs (BOC).
September 17, 2018 nang ipagbawal ng Department of Agriculture ang importasyon ng karneng baboy mula sa Belgium dahil sa outbreak doon ng ASF.
Dahil dito, nagpahayag ng pagkabahala anng SINAG sa posibilidad na maapektuhan na rin ang bansa ng nasabing sakit.
Ayon naman sa DA, walang dapat na ikabahala dahil sumunod naman sa alituntunin ang mga nag-import ng nasabing mga karne.
Bagaman dumating kasi sa bansa ang mga karne galing Belgium sa kasagsagan ng pag-iral ng ban ay nakatay at naiproseso ang mga karne noon pang Aug, 25, 2018.
Sa kabuuan nasa 1.4 million na kilos na Belgian pork meat ang nakapasok sa bansa.
Maliban sa Belgium umiiral din ang import ban sa mga karneng baboy galing China, Latvia, Romania, Hungary, Russia, Poland, Ukraine, South Africa, Czeck Republic, Moldovia, Zambia at Bulgaria.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.