Rebellion case ni Trillanes sa Makati RTC tuloy
Bigo si Sen. Antonio Trillanes sa kanyang hirit na ibasura ang kanyang kasong rebelyon na nakasampa sa Makati Regional Trial Court (RTC) Branch 150.
Ipinaliwanag ni Makati RTC Branch 150 clerk of court Diosfa Valencia na hindi nakumbinsi ni Trillanes si Judge Elmo Alameda na nakapaghain ng amnesty application ang mambabatas.
Ito ang laman ng desisyon ni Alameda noong December 18, 2018 na kanina lamang isinapubliko ng nasabing korte.
Ayon sa desisyon ni Alameda, “Sen. Trillanes was not able to prove through testimonial and documentary evidence that he filed his application for amnesty nor expressly admitted his guilt in the application form for the crime he committed during the Manila Peninsula incident which are the minimum requirements set forth under Proclamation No. 75.”
Ipinaliwanag rin sa 6-page decision ng hukom na bigo si Trillanes na ipakita ang kanyang mga dokumento na naghain siya ng aplikasyon para sa kasong rebelyon.
“Sen. Trillanes’ inability to present the official original copy duly stamp marked received or even a photocopy of the application form bars him from proving the alleged contents thereof. The rule requires that the highest available degree of proof must be produced by him to prove the contents thereof especially his claim that he made a narration of his admission of guilt of crime subject of the application for amnesty,” ayon pa sa desisyon ni Alameda.
Sinabi rin ng hukuman na mananatili ang bisa ng Proclamation No. 75 ni Pangulong Rodrigo Duterte.
Laman ng nasabing proklamasyon ang pagpapawalang-bisa sa amnesty na ibinigay kay Trillanes ni dating Pangulong Noynoy Aquino.
Nangangahulugan rin ito na tatanggap pa ang Makati RTC Branch 150 ng mga dagdag na ebidensya kaugnay sa kasong rebelyon ng mambabatas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.