Official list ng mga kandidato sa 2019 elections ilalabas bago mag Jan. 23

Bago mag January 23 ilalabas na ng Comission on Elections (Comelec) ang opisyal na listahan ng mga kandidato para sa May 2019 midterm elections.

Ayon kay Comelec Spokesperson James Jimenez, sa ikatlong linggo ng Enero kasi ang target ng Comelec na maumpisahan ang pag-imprenta ng mga balota.

Kailangan aniyang may pinal na listahan na ng mga kandidato bago masimulan ang printing.

Magugunitang Dec. 15 ang unang target na petsa ng Comelec para mailabas ang listahan ng mga kandidato.

Gayunman, hindi ito nasunod dahil may mga kailangan pang resolbahin na disqualification cases.