Coast Guard nilinaw na wala pang schedule ang pagsusulit para sa mga nais maging miyembro PCG

Nilinaw ng Philippine Coast Guard (PCG) na wala pa silang itinatakdang petsa para sa PCG Battery Exam ngayong taong 2019.

Ang naturang pagsusulit ay para sa mga aplikante at nais maging miyembro ng PCG.

Sinabi ng Coast Guard na walang katotohanan ang mga kumakalat na balita sa online may itinakda nang petsa para sa exams.

Ayon sa Coast Guard sa sandaling magkaroon na ng opisyal na schedule para sa PCG Battery Exam agad nila itong ibabahagi sa kanilang official website at social media accounts.