Walang ilegal sa paglista ng Philippine National Police (PNP) sa mga guro na maaring miyembro ng mga progresibong grupo at militanteng grupo.
Ito ang inihayag ni National Capital Region Police Office (NCRPO) chief Director Guillermo Eleazar matapos kumalat sa social media ang memorandum kung saan hinihingi ng PNP ang sa mga paaralan ang listahan ng mga guro nilang miyembro ng Alliance of Concerned Teachers (ACT).
Paliwanag ni Eleazar ang PNP ay repository ng mga impormasyon na maaring magamit bilang future reference.
Mananatili naman aniyang internal anumang mga impormasyon na hawak ng PNP.
Ani Eleazar, walang harassment sa naturang kautusan. Wala din aniyang dapat na ikatakot ang mga guro kung wala naman silang problema o kinasasnagkutang ilegal.
Nilinaw naman ni Eleazar na hindi sa NCRPO galing ang kautusan para sa listahan ng mga gurong miyembro ng ACT.
Maari aniyang ang utos a y mula sa Directorate for Intelligence sa Camp Crame.