Walang banta ng tsunami matapos ang magnitude 7.0 na lindol sa Indonesia – Phivolcs

Pinawi ng Phivolcs ang pangamba ng tsunami sa bansa matapos ang tumamang malakas na lindol sa Molucca Sea sa Indonesia.

Ayon sa Phivolcs, magnitude 7.0 ang naganap na lindol ala 1:27 ng madaling araw oras sa Pilipinas.

Wala umano anumang banta ng tsunami sa mga baybayin ng Pilipinas bunsod ng nasabing pagyanig.

Samantala, ibinaba naman ng USGS sa magnitude 6.6 ang nasabing lindol.

Wala ring inilabas na tsunami warning sa mga baybayin ng Indonesia matapos ang malakas na lindol.

Bagaman nag-panic at nagtakbuhan palabas ng kanilang mga bahay ang mga residente ay hindi naman nagdulot ng pinsala ang pagyanig.