4 na murder at drug suspects, arestado sa Taguig at Pateros
Timbog ang apat na katao kabilang na ang tatlong most wanted sa Pateros at Zamboanga del Sur.
Ayon sa mga reports na umabot sa Southern Police District, nakilala ang mga naaresto na sina Jemar Bazar, Salde Caliso, Potenciano Caliso at Alex Lariosa.
Si Bazar ang ikawalo, habang ika-siyam naman si Salde Caliso sa listahan ng most wanted sa Zamboanga del Sur, habang si Lariosa naman ay ika-walo sa listahan sa Pateros.
Naaresto sina Bazar at ang mga Caliso na mga wanted sa kasong murder, ganap na alas 4 ng hapon sa isang car wash sa Brgy. Central Signal Village, Taguig City.
Una nang tinimbrehan ng hepe ng Mahayag police station sa Zamboanga del Sur ang mga pulis Taguig tungkol sa mga kinaroroonan ng mga suspek.
Samantala, nahuli naman si Lariosa sa isang buy-bust operation malapit sa tirahan nito sa Grimville Subdivision, Brgy. San Roque.
Ayon kay Pateros police chief Senior Supt. Ernesto Tendero Jr., hindi na nang-laban pa si Lariosa kaya agad siyang naaresto.
Nakuhanan ng mga pulis si Lariosa na sinasabing notorious na nagtutulak ng droga sa lugar, ng isang sachet ng hinihinalang shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.