BSP Gov. Espenilla naghain ng medical leave para magpagamot sa ibang bansa

Naghain ng medical leave si Bangko Sentral ng Pilipinas (BSP) Governor Nestor A. Espenilla Jr.

Epektibo ang leave ni Espenilla mula ngayong araw, Jan. 4 hanggang sa Jan. 21, 2019.

Nakasaad sa abiso ng BSP na ipinadala sa mga mamamahayag, magpapagamot sa ibang bansa si Espenilla bilang bahagi ng treatment program ng kaniyang sakit.

Habang naka-leave si Espenilla, magsasalitan sina Deputy Governors Diwa Guinigundo at Maria Almasara Cyd Tuaño-Amador bilang OIC sa BSP.

Si Espenilla ay na-diagnose na mayroong tongue cancer.