Psychological therapy dapat ibigay sa mga nakaligtas sa #BagyongUsman
Bukod sa relief goods, malilipatang bahay, at iba pang ayuda, kailangan din umano ng mga nakaligtas sa mga pagguho ng lupang epekto ng bagyong Usman ang psychological therapy.
Ito ang naging pahayag ni Vice President Leni Robredo matapos niyang bisitahin ang mga residenteng nakaligtas sa delubyo sa Camarines Sur.
Ani Robredo, isa sa kanyang mga naka-usap ay tulala kaya naman bago sila tuluyang makabangon mula sa trahedya ay kailangan nilang mabigyang ng kaukulang therapy.
Aniya pa, malaki ang maitutulong ng therapy lalo na sa mga nawalan ng mga mahal sa buhay matapos matabunan ng gumuhong lupa.
Dahil dito ay nangako si Robredo na tutulong ang Office of the Vice President (OVP) sa pagbibigay ng psychological therapy para sa mga residente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.