LOOK: SUV nasunog sa Quiapo, Maynila

By Dona Dominguez-Cargullo January 03, 2019 - 09:11 AM

CONTRIBUTED PHOTO

Tupok na tupok ang isang sasakyan matapos itong biglang mag-apoy habang binabagtas ang bahagi ng Quiapo sa Maynila.

Sakay ng nasabing SUV na isang kulay green na 2000 model na Ford Expedition ang driver na si Mark Jose Baeyens.

Ayon kay Fire Sr. Insp. Reden Alumno, chief arson ng Manila Fire Bureau, batay sa kwento ng driver galing ito ng Marikina at patungo sana ng South Harbor.

Bigla na lamang umanong umusok ang harapan ng sasakyan kaya agad niya itong itinabi at doon na nagsimulang magliyab.

Sunog na sunog lalo na ang unahang bahagi ng sasakyan kaya pinaniniwalaang problema sa electrical wiring ang sanhi ng pagsiklab ng apoy.

Hindi naman nasaktan ang driver dahil agad itong nakalabas.

TAGS: fire incident, Ford Expedition, Quiapo Manila, suv, fire incident, Ford Expedition, Quiapo Manila, suv

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.