3 preso huli sa kasagsagan ng drug session sa Lipa City Jail

Huli sa akto ang tatlong preso sa loob ng Lipa City Jail na gumagamit ng ilegal na droga.

Nagsagawa ng inspeksyon ang mga tauhan ng bilangguan matapos makatanggap ng ulat na na may drug session na nangyayari sa loob ng male dormitory.

Nang madatnan ay nakuhanan ang tatlo ng iba’t ibang drug paraphernalia.

Ang tatlo ay nakakulong dahil din sa kasong may kinalaman sa ilegal na droga.

Dahil dito muling mahaharap ang mga preso sa panibagong kasong paglabag sa Republic Act 9165 o Comprehensive Dangerous Drugs Act of 2002.

Iimbestigahan naman ng Bureau of Jail Management and Penology (BJMP) kung paanong nailusot sa loob ng kulungan ang ilegal na droga.