Duterte sa mga Pinoy: Pangatawanan ang kabayanihan ni Rizal

Hinikayat ni Pangulong Rodrigo Duterte ang mga Filipino na pangatawanan ang kabayanihan ni Dr. Jose Rizal para sa nation building.

Sa mensahe ng pangulo sa ika-122 anibersaryo ng kamatayan ni Rizal, sinabi nito na oportunidad ang Rizal Day para pagtibayin ang kasaysayan ng bansa.

Sinabi pa ng pangulo na hanggang sa ngayon, patuloy na hinihimok ni Rizal ang mga Filipino na tugunan ang mga problema ng bansa.

Malaki rin aniya ang naitulong ni Rizal para sa national identity ng mga Filipino.