Magkakaroon ng libreng sakay ang Light Rail Transit Line 2 (LRT-2) sa araw ng Linggo, December 30.
Ito ay para sa paggunita ng ika-122 death anniversary ng pambansang bayani na si Dr. Jose P. Rizal.
Gamit ang kanilang Twitter account, inanunsiyo ng Light Rail Transit Authority (LRTA) ang libreng sakay mula 7:00 hanggang 9:00 ng umaga at 5:00 hanggang 7:00 ng gabi sa araw ng Linggo.
Matatandaang ginawang holiday ng Palasyo ng Malakanyang ang December 30 para alalahanin ang kabayanihan ni Rizal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.