Lola patay, 9 na iba pa sugatan sa aksidente sa GenSan
Patay ang isang lola habang sugatan ang 9 na iba pa sa aksidenteng naganap sa General Santos City.
Sangkot sa aksidente ang isang pickup truck at isang tricycle.
Ayon kay SPO2 Jose Sembrano ng Traffic Management Unit, galing sa Alabel, Sarangani ang tricycle sakay ang magkakamag-anak.
Dumaan umano ito sa isang tindahan sa General Santos City para mag-meryenda bago bumiyahe patungong Polomolok sa South Cotabato.
Habang nasa biyahe na, isang pickup truck ang humagip sa tricycle na ikinasawi ng 63 anyos na lola at ikinasugat ng iba pang sakay nito.
Lima sa mga nasugatan ay pawang mga bata.
Isinugod naman sa ospital ang driver ng truck matapos tumaas ang presyon dahil sa pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.