Bilang ng mga nabiktima ng paputok umabot na sa 32

Umabot na sa 32 ang naitalang insidente ng firecracker-related injuries ayon sa Department of Health.

Ayon sa DOH, walong bagong kaso ang naitala mula sa National Capital Region, Regions 3 at 6 isang araw matapos ang Pasko.

Iginiit naman ng kagawaran na mas mababa pa rin ang naturang bilang ng 50 porsyento kumpara sa naitalang mga kaso sa kaparehong panahon noong 2017.

Apat sa 32 biktima ng paputok ay kinailangang putulan ng bahagi ng katawan ayon sa DOH.

Kabilang sa mga paputok na dahilan ng mga injuries ay ang piccolo, triangle, kwitis at ang boga.