Red tide alert nakataas sa Bataan at Pampanga

Nananatiling nakataas ang red tide alert sa mga baybayin ng Bataan at Pampanga.

Ayon sa Bureau of Fisheries and Aquatic Resources (BFAR) nagpositibo sa paralytic shellfish poisoning ang mga samples ng lamang dagat mula sa dalawang mga lalawigan.

Partikular na ipinagbabawal kainin ang mga tahong, talaba, halaan, maging ang mga alamang.

Ayon sa BFAR, ligtas namang kainin ang mga isda, alimango, hipon, at pusit basta’t tiyakin lamang na nalinis itong maigi at tinanggal ang kanilang mga lamang-loob.

Unang itinaas ang red tide alert sa Bataan at Pampanga noong November 24.