Aminado si Sen. Grace Poe na kinakabahan siya sa magiging desisyon ng Senate Electoral Tribunal (SET) kaugnay sa disqualification case na isinampa laban sa kanya.
Sinabi ni Poe na dahil siya’y tao kaya nakararamdam siya ng pagkakaba lalo’t bukas ay ilalabas na ng SET ang kanilang desisyon sa kaso.
Nauna nang kinuwestyon sa SET ang citizenship ni Poe na isa sa mga kandidato sa pagka-Pangulo sa 2016 elections.
Pero ngayon pa lang tiniyak na ng kampo ng mambabatas na kung sakaling hind maging pabor sa kanila ang desisyon ng SET ay kanila itong iaapela sa tamang venue.
Kasapi sa Senate Electoral Tribunal ang mga sumusunod:
• Senior Justice Antonio Carpio, chairman
• Associate Justice Teresita Leonardo-de Castro, member
• Associate Justice Arturo Brion, member
• Senator Loren Legarda, member
• Senator Paolo Benigno Aquino, member
• Senator Pia Cayetano, member
• Senator Cynthia Villar, member
• Senator Vicente Sotto III, member
• Senator Nancy Binay, member