Halos 500 katao sa Cebu City, nasunugan ngayong Pasko
Apat na sityo ang tinupok ng apoy sa nangyaring sunog sa Barangay Duljo Fatima sa Cebu City.
Naganap ang sunog 3:47 ng umaga at itinaas ito sa Task Force Alpha dakong 4:11 ng umaga ng Martes (December 25).
Ayon kay Fire Chief Inspector Noel Nelson Abapon, Cebu City fire marshal, 200 bahay na gawa sa light materials at dikit-dikit ang nasunog at halos 500 katao ang nawalan na tirahan ngayong araw ng Pasko.
Aabot naman sa P3 million ang halaga ng mga ari-ariang natupok ng apoy.
Ayon pa kay Abapon, nahirapan silang apulahin ang apoy dahil sa maliit at masikip ang daan sa lugar.
6:26 ng umaga nang ideklarang fire under control ang sunog.
Patuloy naman ang imbestigasyon para malaman ang pinagmulan ng apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.