Biyahe ng PAL, kinansela dahil sa sama ng panahon

Naglabas ng panibagong abiso ang Manila International Airport Authority (MIAA) tungkol sa kanselasyon ng biyahe ngayong bisperas ng Pasko.

Batay sa abiso ng MIAA, kinansela ng Philippine Airlines (PAL) Express ang kanilang biyahe patungong Maynila mula Laoag, Ilocos Norte na PR2199.

Paliwanag ng ahensya, ang kanselasyon ng naturang flight ay dahil sa nararanasang sama ng panahon.

Paalala naman ng MIAA, ang lahat ng mga apektadong pasahero ng cancelled flight ay maaaring tumawag sa PAL Express para sa rebooking o anumang karagdagang assistance.