DOH may food safety tips ngayong holiday season

Naglabas ng food safety tips ang Department of Health (DOH) upang maging gabay ng publiko ngayong holiday season.

Inaasahan kasing dahil bisperas na ng Pasko, bilang tradisyon, magsisimula ngayong araw ang salu-salo.

Kabilang sa mga food safety tip ng DOH ang mga sumusunod:

– Umiwas sa labis na matataba, maaalat at matatamis na pagkain
– Suriing mabuti ang bibilhing karne at isda upang makaiwas sa diarrhea at food poisoning
– Basahing mabuti ang label ng mga bilihin, at i-check ang kanilang expiration date

Maliban sa tips hinggil sa pagkain, pinayuhan din ng DOH ang publiko na iwasan ang bisyo ngayong holiday season.

Ayon sa DOH, dapat iwasan ang paninigarilyo at ang labis na pag-inom ng alak.