Ilang security protocols sa NAIA babaguhin katuwang ang U.S.
Pumasa sa international security standards ang NAIA ngunit may mga bagay na kailangan na baguhin at pagandahin pa.
Sinabi ni Manila International Airport Authority (MIAA) Gen. Manager Ed Monreal makikipagtulungan sila sa U.S. Deparment of Homeland – Transportation Security Administration para sa mga pagbabago sa security protocols sa NAIA.
Kasama sa magiging pagbabago ay sa pagsasagawa ng background check sa mga kukuhaning bagong airport personnel dahil susuriin ng National Intelligence Coordinating Agency (NICA) ang kanilang pagkatao lalo na ang mga nagpapatupad ng security control.
Oobligahin na rin ang lahat ng mga may hawak ng MIAA access pass na magsumite ng mga bagong NBI clearance.
Nagdagdag na ng mga bagong guwardiya sa NAIA at bumibili na rin sila ng mga bagong walk-through metal detectors, X-ray machines at alarm systems.
Ibinahagi ni Monreal na ang MIAA at Office for Transport Security ng DOTr ay pumasa sa standards ng International Civil Aviation Organization (ICAO).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.