17 katao arestado sa buy bust operation sa Makati
Sa kulungan na sasalubungin ng 17 katao ang Pasko makaraang mahuli sa drug buy bust operation sa Barangay Pio del Pilar, Makati, kagabi.
Ayon sa Makati Police, nagsagawa ng operasyon ang Station Drug Enforcement Unit sa P. Medina St. kung saan kanilang nahuli ang anim katao.
Tinangka pa ng isa na tumakas sa pamamagitan ng pagpasok sa compound ngunit nahulin pa rin ito ng mga pulis.
Bukod sa anim, naaktuhan naman sa lugar ang 11 pa na gumagamit ng bawal na gamot sa loob ng isang kwarto.
Nakuha ng mga pulis sa mga drug suspek ang 18 sachet ng hinihinalang shabu.
Mahaharap ang mga naaresto sa kasong paglabag sa RA 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.