Pope Francis tiniyak ang hustisya para sa mga biktima ng priest abusers
Naging matapang ang pahayag ni Pope Francis tungkol sa umano’y mga pang-aabuso ng ilang mga pari ng Simbahang Katolika.
Sa kanyang Christmas speech sa Vatican, iginiit ng Santo Papa na hindi na muling pagtatakpan ang mga pang-aabuso sa Simbahan.
Aminado ang lider ng Simbahang Katolika na bigo ang mga nagdaang liderato na seryosong tugunan ang mga naging ulat ng pang-aabuso.
Kasabay nito, kanyang hinimok ang mga pari na nang-molestiya sa mga kabataan na sumuko nang kusa.
Ani Pope Francis, wala nang kasong maibabasura at pagtatakpan gayundin ay gagawin ang lahat para mapanagot ang sinumang mapatunayang may-sala.
Babala ng Santo Papa sa mga pedophiles, maghanda sa hustisya ng tao at higit sa lahat – sa hustisya ng Diyos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.