Magulang ng isa sa mga biktma ng pambu-bully sa Ateneo dumulog sa QCPD

Dumulog na sa pulisya ang magulang ng isa sa mga estudyante na nabiktima ng pambu-bully sa Ateneo De Manila University.

Nagpa-blotter sa station 9 ng Quezon City Police District ang magulang ng isa sa mga estudyante na nasa viral video at binu-bully ng kapwa estudyante.

Ayon kay QCPD station 9 Commander Supt. Cipriano Galanida, nagtungo sa kanilang Women and Children’s Desk ang mga magulang ng batang na-bully para magpa-blotter.

Hindi naman na tinukoy ni Galanida ang pakakakilanlan ng mga complainant.

Hindi rin naman kasi maaring pangalanan ang biktima dahil sa pagiging menor de edad.