Mahigit 60,000 pasahero bumiyahe sa mga pantalan sa nakalipas na magdamag
Umabot sa mahigit 60,000 pasahero ang bumiyahe sa iba’t ibang mga pantalan sa bansa sa nakalipas na magdamag.
Sa datos ng Philippine Coast Guard sa kanilang Oplan Biyahe Ayos: Pasko 2018, mula alas 6:00 ng gabi kagabi, hanggang alas alas 12:00 ng madaling araw kanina nakapagtala ng 40,810 na mga pasahero.
Habang mula naman alas 12:00 ng madaling araw hanggang alas 6:00 ng umaga kanina ay umabot sa 21,423 ang naitalang pasahero sa mga pantalan.
Kabilang sa mga pantalan na nakapagtala ng mga bumiyaheng pasahero ay sa
Laguna De Bay sa NCR; Cebu at Bohol sa Central Visayas; Coron, Palawan; Batangas, Oriental Mindoro, Southern Quezon, at Occidental Mindoro sa Southern Tagalog; Aklan at Iloilo sa Western Visayas; Davao sa South Eastern Mindanao; Sorsogon, Albay at Masbate sa Bicol; Surigao Del Norte, Lanao Del Norte, Misamis Occidental, at Zamboanga Del Norte sa Northern Mindanao; Western Leyte at Northern Samar sa Eastern Visayas; Negros Oriental at Negros Occidental sa Southern Visayas.
Ayon sa Coast Guard nananatiling payapa ang sitwasyon sa mga pantalan sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.