Budget Sec. Diokno nanindigan na pinabubuwag ni Pang. Duterte ang Road Board

Sinopla ni Budget Secretary Benjamin Diokno ang pahayag ni House Majority Leader Rolando Andaya Jr. na hindi raw pabor si Pangulong Rodrigo Duterte na buwagin ang Road Board na namamahala sa road users tax.

Ayon kay Diokno, base sa pag-uusap nila ng pngulo noong Biyernes nanindigan ang punong ehekutibo na dapat buwagin ang road board dahil nagiging ugat ito ng korupsyon.

Sinabi pa ni Diokno na inatasan siya ng pangulo na huwag ilabas ang pondo sa road users tax para hindi magamit sa eleksyon sa 2019.

Nais ni Diokno ibalik nalang sa national treasury ang pondo at ang Kongreso na lang ang magdesisyon sa paglalaaanan nito.