Bentahan ng paputok sinalakay sa Bulacan

Sinalakay ng mga pulis ang isang tindahan ng paputok sa Bocaue, Bulacan.

Ayon sa mga otoridad, walang hawak na kaukulang dokumento at permit para magbenta ng mga paputok ang may-ari ng tindahan na si Alejandro Roberto.

Nabatid na ang mga itinitindang pyrotechnic products o paputok ni Roberto ay pawang substandard at hindi dumaan sa tamang proseso nang gawin ang mga ito.

Sasampahan ng kasong paglabag sa Republic Act 7183 o Act Regulating the Sale, Manufacture, and Use of Firecrackers and other Pyrotechnic Devices ang may-ari ng tindahan.