Lady guard arestado sa Makati City dahil sa kasong pagnanakaw

Makalipas ang matagal na panahong pagtatago ay naaresto na ng mga otoridad ang isang babaeng suspek sa pagnanakaw sa Parañaque City.

Nakilala ang salarin na si Cherry Galupo, 30 taong gulang na kasalukuyang residente ng Bacoor, Cavite at isa ngayong lady guard.

Naaresto si Galupo sa Barangay Poblacion, Makati City sa bisa ng isang warrang of arrest mula sa Parañaque Regional Trial Court (RTC) dahil sa kasong robbery.

Mayroong P72,000 na inirekomendang piyansa para kay Galupo upang makamit nito ang pansamantalang kalayaan.

Sa ngayon ay hawak na ng Parañaque City Police ang suspek.