Umano’y anak ni BuCor Dir. Nicanor Faeldon, nadatnan sa bahay ng isang drug suspect sa Naga City

Nadatnan sa bahay ng isang drug suspect sa Naga City ang anak ni Bureau of Corrections (BuCor) Director Nicanor Faeldon.

Kinumpirma ito ni Philippine Drug Enforcement Agency (PDEA) – Bicol information officer Cotton Yuson Talento.

Ayon kay Talento, nakita ang anak ni Faeldon sa bahay ng drug suspect na si Russel Lanuzo na target ng search warrant na isinilbi ng Regional Police Drug Enforcement Unit at Naga City Police Drug Enforcement Unit.

Ayon kay Talento, binubuo pa ang spot report hinggil sa nasabing insidente.

Samantala, sinabi ni Police Supt. Errol Garchitorena, Jr., Intelligence Chief ng Naga City Police, nadatnan si Nicanor Faeldon Jr. sa sinalakay na bahay sa Zone 4 sa Brgy. Mabolo.

Pero sinabi ni Garchitorena na kinukumpirma pa nila kung si Faeldon Jr. ay anak nga ni BuCor Director Faeldon.