Apple Inc. magtatayo ng panibagong Campus sa Texas; 15,000 trabaho ang malilikha

Nakatakdang magtayo ng panibagong Campus ang Apple Inc. sa Texas na nagkakahalaga ng $1 bilyon.

Inaasahang 15,000 trabaho ang malilikha ng nasabing Campus na itatayo sa Austin.

Plano din ng Apple na palawigin ang kanilang operasyon sa Seattle, San Diego at Culver City sa California.

Gayundin ang magdagdag ng daan-daang mga trabaho sa Pittsburgh, New York at Boulder, Colorado sa susunod na tatlong taon.

Ang expansion na ito ng Apple ay bahagi ng pangako ng mga kumpanya sa US na lumikha ng mas marami pang domestic jobs.