Pinag-iisipan ngayon ng De La Salle University (DLSU) ang pagkakaroon ng bagong miyebro ng kanilang coaching staff matapos hindi makapasok sa finals ng UAAP Season 81.
Batay sa sources ng Inquirer, kinausap na ng La Salle ang dating coach ng national team ng Qatar na si Tim Lewis tungkol sa kanyang availability at kagustuhang maging bagong coach ng koponan kapalit ni Louie Gonzales.
Bago naging coach ng Qatar, naging chief tactician ng Thailand si Lewis noong 2016 Souteast Asian Basketball Association (SEABA).
2017 naman ay saglit tumulong si Lewis sa Gilas bago tuluyang naging coach ng Qatar.
Ngayong season ng UAAP ang unang pagkakataon na hindi napasama sa finals ang La Salle simula noong 2015. Natapos ang torneo nang mayroong 8-6 win-loss record ang koponan.