Dating PSC chair Harry Angping pinawalang sala sa kasong graft

By Dona Dominguez-Cargullo December 12, 2018 - 12:07 PM

Pinawalang-sala ng Sandiganbayan si dating Philippine Sports Commission chairman Harry Angping sa kasong graft na kinakaharap nito.

Ang kaso ay may kaugnayan sa maanomalyang pagkuha umano ni Angping ng 80 janitorial personnel sa PSC.

Batay sa 46 na pahinang desisyon ng Sandiganbayan Sixth Division iniutos din nito na bawiin ang hold departure order laban kay Angping at isauli ang kaniyang bail bond.

Inabswelto din sa kaso ang dating general manager ng Philcare Manpower Services na si Edmundo Montanes.

Nag-ugat ang kaso nang magsabwatan umano sina Angping at Montanes sa pag-hire ng 71 janitors at 9 na hardinero nang hindi kumukuha ng karampatang requirements.

Sa akusasyon ng prosekusyon pinaburan umano ni Angping ang Philcare nang lagdaan ang kontrata.

Binayaran ng PSC ang 80 tauhan ng P15,324.42 kada buwan mula March 2009 hanggang January 2011.

TAGS: Harry Angping, sandiganbayan, Harry Angping, sandiganbayan

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.