Pagpasa ng Kamara sa draft federal charter, inalmahan

Mariing kinondena ng Kilusang Magbubukid ng Pilipinas (KMP) ang ginawang pag-railroad ng Kamara sa panukalang Charter Change (Cha-Cha).

Inaprubaban ng Lower House sa ikatlo at huling pagbasa ang Resolution of Both Houses 15 na magbabago sa sistema ng gobyerno tungo sa Federalism.

Ayon sa KMP, malinaw na minadali ng Mababang Kapulungan sa ilalim ni House Speaker Gloria Macapagal-Arroyo ang pagpasa sa Cha-Cha.

Babala ng KMP, sa oras na maging ganap na batas ang Cha-Cha, bubuksan nito ang ekonomiya ng bansa sa “foreign plunder” at “exploitation” o pang-aabuso.

Tatanggalin din anila ng Cha-Cha ang mga natitirang polisya sa Konstitusyon na nagpo-protekta sa mga tao at bansa, habang ang makikinabang ay ang iilang opisyal at pulitiko.