Ayon kay Chief Supt. Graciano Mijares, provincial director ng Autonomous Region in Muslim Mindanao police, isang hindi pa nakikilalang suspek ang pumasok sa bahay ni Sadak Solaiman, 38 anyos sa Barangay Poblacion at saka ito binaril ng malapitan.
Nagtamo ng tama ng bala ng baril sa tiyan si Solaiman habang tinamaan din ng ligaw na bala ang anak niton na nasa loob lang ng bahay nang mangyari ang pamamaril.
Matapos ang insidente agad tumakas ang suspek.
Patuloy na ginagamot ngayon sa ospital ang mag-ama, habang naglatag na ng checkpoints sa bayan para maaresto ang suspek.
Nakuha sa pinangyarihan ng krimen ang basyo ng bala ng kalibre 45 na baril.
Sa inisyal na imbestigasyon, personal na galit ang maaring dahilan ng pamamaril.