Unanimous ang naging pasya ng Mababang Kapulungan sa panukalang pagpapalawig ng batas na magpoproteka sa mga kababaihan at kabataan.
Sa botong 207-0, nakalusot sa ikatlo at huling pagbasa sa Kamara ang House Bill No. 8655 o ang Expanded Anti-Violence Against Women and Children (E-VAWC).
Aamyendahan ng naturang panukala ang Republic Act No. 9262 o ang Anti-Violence Against Women and their Children Act of 2004.
Sa ilalim ng E-VAWC, madadagdag sa depinisyon ng psychological violence ang mga physical, verbal, emotional, electronic o information communication technology (ICT)-related acts.
Nilinaw din sa panukala ang depinisyon ng ICT-related violence bilang anumang gawain o omission na gumagamit o nananamantala sa impormasyon o iba pang uri ng ICT na maaaring magdulot ng mental, emotional, o psychological distress sa mga kababaihan at kanilang mga anak.
Papatawan din ng prision mayor at multang P300,000 hanggang P500,000 ang mapapatunayang gagawa o mananakot na gumawa ng electronic violence sa mga kababaihan at kanilang mga anak.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.