Release order ni Revilla inilabas na ng Sandiganbayan; dating senador pwede na ulit bumiyahe sa ibang bansa

Pinayagan ng Sandiganbayan si dating Senador Bong Revilla Jr., na muling makabiyahe sa ibang bansa matapos siyang mapawalang-sala sa kasong plunder.

Binawi na ng korte ang hold departure order na inilabas laban sa kaniya.

Ibig sabihin pwede na muling makapag-travel abroad ang dating senador.

Inilabas na rin ng Sandiganbayan ang release order kay Revilla.

Nagbayad na din kasi si Revilla ng piyansa para sa mga kaso niyang graft.

Si Revilla ay nakulong sa custodial center ng PNP sa Camp Crame mula pa noong 2014 dahil sa nasabing kaso.