Bulgarian, arestado sa paggamit ng mga cloned ATM
Kinumpirma ng Taguig City Police na isang Bulgarian ang inaresto kamakailan matapos madiskubre ang mahigit sa 40 ATM cards na kanyang iligal na ginagamit sa pagwi-withdraw sa mga ATM Machines kamakailan.
Kinilala ang naarestong suspek na si Simeon Tsennov Lefterski, 28-anyos na naaresto noong November 6, habang nagwi-withdraw ng pera sa isang ATM sa Market! Market! sa Bonifacio Global City.
Bago maaresto, unang napansin ng isang security guard ng mall ang sunud-sunod na pagwi-withdraw ng suspek sa ATM kaya’t humingi ito ng responde sa mga otoridad.
Nang komprontahin, dito na nakuha sa pag-iingat ni Lefterski ang 43 piraso ng mga ‘cloned na ATM’ at cash na umaabot sa mahigit P30,000 piso.
Sa kasalukuyan, nahaharap sa paglabag sa Republic Act 8484 o “Access Devices Regulation Act of 1998” ang naarestong Bulgarian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.